अकोराबको अधिवेशनमा निर्वाचन प्रक्रिया सुरु, अहिले मनोनयन दर्ता चल्दै

राजनीति

Home
राजनीति
अकोराबको अधिवेशनमा निर्वाचन प्रक्रिया सुरु, अहिले मनोनयन दर्ता चल्दै

अकोराबको अधिवेशनमा निर्वाचन प्रक्रिया सुरु, अहिले मनोनयन दर्ता चल्दै

ललितपुर : देशभरका सामुदायिक रेडियोहरुको छाता संगठन सामुदायिक रेडियो प्रसारक संघ(अकोराब) नेपालको नयाँ नेतृत्व चयनका लागि निर्वाचन प्रक्रिया सुरु भएको छ । निर्वाचन प्रक्रिया ढिलो गरि शनिबार दिउँसोबाट सुरु भएको हो ।

निर्वाचन संयोजक सुबोध बाबु चिलुवालका अनुसार शनिबार दिउँसोबाट निर्वाचन प्रक्रिया सुरु भएको हो । निर्वाचन प्रक्रिया अन्तरगत अहिले उम्मेदवारको मनोनय दर्ताको काम चलिरहेको छ ।

अकोराबमा कांग्रेस निकट नेपाल प्रेस युनियन, एमाले निकट प्रेस चौतारी, माओवादी सम्वद्ध प्रेस संगठन नेपाल, नेकपा एकिकृत समाजवादी पार्टी निकट समाजवादी प्रेस संगठन लगायत बीच भागबण्डामा कुरा मिलेपछि निर्वाचन प्रक्रिया ढिलो गरि दिउँसोबाट सुरु भएको श्रोतले जनाएको छ ।

अकोराबको १८ औं साधारणसभा तथा ८ औं अधिवेशनको नेपाल प्रशासनिक प्रशिक्षण प्रतिष्ठान केन्द्र, जावलाखेल ललितपुरमा शुक्रबार उद्घाटन भएको थियो । अधिवेशनले तीन वर्षे कार्यकालका लागि केन्द्र र ७ वटै प्रदेशका लागि नयाँ कार्यसमिति, पदाधिकारी निर्वाचित गर्नेछ ।

प्रकाशित मिति: शनिबार, भदौ २९, २०८१ १७:०२

प्रतिक्रिया दिनुहोस्