सबै धर्मावलम्बीलाई आध्यात्मिक महोत्सवमा आउन वाचन शिरोमणी पोखरेलको निम्तो

समाज

Home
समाज
सबै धर्मावलम्बीलाई आध्यात्मिक महोत्सवमा आउन वाचन शिरोमणी पोखरेलको निम्तो

सबै धर्मावलम्बीलाई आध्यात्मिक महोत्सवमा आउन वाचन शिरोमणी पोखरेलको निम्तो

नेपालगन्ज : वाचन शिरोमणी पंण्डित दीनबन्धु पोखरेलले नेपालगन्ज धार्मिक सद्भावको शहर भएकाले सबै धर्मावलम्बीलाई आध्यात्मिक महोत्सव आउन निम्तो दिएका छन् । नेपालगन्जको रामलिला मैदानमा बिहीबार (भोली) देखी सञ्चालन हुन लागेको आध्यात्मिक महोत्सवका लागि उनले सबैलाई निम्तो दिएका हुन् ।

बाँकेको डुडुवा गाउँपालिका वडा नम्बर ५ मा प्रस्तावित बैकुण्ठधाम सिधनियाघाट सहयोगार्थ आध्यात्मिक महोत्सव हुदैछ । महोत्सवमा प्रमुख वाचनसहित पोखरेलको संगीतमय टोलीबाट भागवत प्रवचन हुनेछ । महोत्सवको पूर्वसन्ध्यामा आयोजित पत्रकार सम्मेलनमा उपस्थित भएका वाचन शिरोमणी पंण्डित पोखरेलले सिधनियाघाटलाई बहुआयामिक केन्द्रका रुपमा विकास गर्न सकिने बताए ।

‘धर्म संस्कार र सँस्कृतिलाई नजिकबाट नियाल्ने उद्देश्यका साथ यो काम हुदैछ, यहाँका सबै सरोकारवालाले यो अभियानलाई आफ्नो घरको योजना जस्तै सम्झिनु होला,’ उनले भने ‘बाँके मेरो लागि फापेको जिल्ला हो, सुशिल कोइराला क्यान्सर अस्पताल निर्माण सहायोगार्थ महायज्ञमा पनि म १५ वर्षअघि कथा वाचन गर्न आएको थिए, त्यतिबेला महायज्ञमार्फत ८ करोड बढी रकम संकलन भएको थियो, यो महोत्सवमा पनि धेरै भन्दा धेरैको सहयोग हुने अभिलाषा लिएको छु ।’

आध्यात्मिक महोत्सवको पहिलो दिन बिहीबार हुन लागेको कलस यात्रा र भब्य समुद्घाटन समारोहको प्रचार प्रसार गरिदिन उनले सबै सञ्चारकर्मीलाई आग्रह गरे ।

प्रकाशित मिति: बुधबार, कात्तिक २१, २०८१ २२:०६

प्रतिक्रिया दिनुहोस्