डुडुवा गाउँपालिकामा सामाजिक सुरक्षा भत्ता वितरण

अर्थ

Home
अर्थ
डुडुवा गाउँपालिकामा सामाजिक सुरक्षा भत्ता वितरण

डुडुवा गाउँपालिकामा सामाजिक सुरक्षा भत्ता वितरण

बाँके (डुडुवा) : डुडुवा गाउँपालिकाले सामाजिक सुरक्षा भत्ता वितरण सुरु गरेको छ । आर्थिक बर्ष २०८१/०८२ को प्रथम र दोस्रो त्रेमासिक अन्र्तगत साउनदेखि पुस महिनासम्मको भत्ता वितरण गर्न थालिएको हो ।

डुडुवा-२ बनकट्टीस्थित गाउँपालिकाको कार्यालयबाट भत्ता वितरण सुरु गरिएको छ । गाउँपालिका अध्यक्ष नरेन्द्रकुमार चौधरीले जेष्ठ नागरिकलाई रकम हस्तान्तरण गरि शुभारम्भ गरे । उनले चिसो मौसममा नागरिकलाई सहजकताका लागि बैंकका कर्मचारीहरु गाउँमै पुगेर भत्ता वितरणको काम सुरु गरिएको बताए ।

अध्यक्ष चौधरीले भत्ता वितरण प्रक्रियामा बैंिकङ लगायत प्राविधिक समस्याले गर्दा स्थानीय बासिन्दाको घर–घरमै पुगेर वितरण गर्न नसक्नु दुःखद कुरा भएको भन्दै त्यसको विकल्पमा बैंकलाई बस्तीमै बोलाएर वितरण गर्न लागेको बताए । गाउँपालिकाको वडा नम्बर ३ र ४ का ज्येष्ठ नागरिकलाई भत्ता वितरण गरिएको वडा सचिव शिवकुमार मौर्यले बताए । उनका अनुसार करिब चार हजार तीन सय जनालाई सामाजिक सुरक्षा भत्ता वितरण गरिनेछ ।

वडासचिव मौर्यका अनुसार ६८ वर्ष पुगेका जेष्ठ नागरिकलाई प्रति महिना ४ हजार, ६० वर्ष पुगेका जेष्ठ नागरिक दलित, ६० वर्ष पुगेका जेष्ठ नागरिक एकल, विधुवा आर्थिक सहायतालाई प्रति महिना २ हजार ६ सय ६०, पुर्ण अपागंता भएका व्यक्ति (क) वर्गलाई प्रति महिना ३ हजार नौ सय ९०, अपांगता भएका व्यक्ती (ख) वर्गलाई प्रतिमहिना २ हजार एक सय २८ र जन्मेदेखि ५ वर्ष मुनिका दलित बालबालिकालाई प्रति महिना ५ सय ३२ रुपैयाँका दरले वितरण गरिनेछ ।

प्रकाशित मिति: बुधबार, पुस १७, २०८१ १८:१७

प्रतिक्रिया दिनुहोस्