प्रादेशिक महोत्सव : दुर्गेश थापाको प्रतिक्षामा दर्शक

अर्थ

Home
अर्थ
प्रादेशिक महोत्सव : दुर्गेश थापाको प्रतिक्षामा दर्शक

प्रादेशिक महोत्सव : दुर्गेश थापाको प्रतिक्षामा दर्शक

नेपालगन्ज : नेपालगन्जमा जारी प्रादेशिक महोत्सव २०८१ को पाचौं दिन सोमबार (आज) चर्चित गायक दुर्गेश थापाको प्रस्तुती हुँदैछ ।

साँस्कृतिक व्यवस्थापन समितिका संयोजक मख्खनबहादुर धामीका अनुसार महोत्सवको पाँचौ दिन अहिले केहीबेरमा चर्चित गायक दुर्गेश थापा, हास्यव्यङ्ग्य कलाकार तथा अभिनेता दीपकराज गिरी, दीपाश्री निरौलाको पनि प्रस्तुती हुन लागेको हो ।

यस्तै बाल गायक सुप्रिम मल्ल, लोक दोहोरी गायिका इब्सल सन्ज्याल र लोक दोहोरी गायक अर्जुन सापकोेटाले पनि प्रस्तुती दिदैछन । महोत्सव प्रचार समितिका संयोजक डम्बरबहादुर चन्दले आइतबार पनि दर्शकको संख्या निकै उत्साहजनक रहेको बताए । उनले अब हरेक दिन दर्शक संख्या बढ्ने दाबी गरे ।

महोत्सवको पाचौं दिन पनि एकल नृत्य प्रतियोगिता र विभिन्न जातीय पहिचानका सांस्कृतिक कार्यक्रम भएकाछन् । महोत्सवका साँस्कृतिक उपसमितिका वरिष्ठ सल्लाहकार सुन्दर गुरुङका अनुसार सोमबार पनि जिल्लाका विभिन्न विद्यालयका प्रतिस्पर्धीले प्रस्तुती दिएका छन् ।

महोत्सवको मुख्य आयोजक नेपालगन्ज उद्योग वाणिज्य संघ, बाँके, आयोजक नेपाल उद्योग वाणिज्य महासंघ काठमाडौं, सहआयोजक नेपाल उद्योग वाणिज्य महासंघ लुम्बिनी प्रदेश र सहकार्य क्यान महासंघ बाँके शाखासँग भएको छ ।

प्रकाशित मिति: सोमबार, माघ १४, २०८१ १६:३०

प्रतिक्रिया दिनुहोस्