नौवस्ता औद्योगिक क्षेत्रको आज जग्गा सिमांकन गरिदैं

समाज

Home
समाज
नौवस्ता औद्योगिक क्षेत्रको आज जग्गा सिमांकन गरिदैं

नौवस्ता औद्योगिक क्षेत्रको आज जग्गा सिमांकन गरिदैं

नौवस्ता औद्योगिक क्षेत्रमा गतवर्ष गरिएको पुनः नक्सांकनका क्रममा जनप्रतिनिधि लगायत । फाइल तस्बिर

नेपालगन्ज : नौवस्ता औद्योगिक क्षेत्रको सोमबार (आज) जग्गा सिमांकन गरिने भएको छ । बाँकेको बैजनाथ गाउँपालिका वडा नम्बर ३ मा लुम्बिनी प्रदेश स्तरीय ‘नौवस्ता औद्योगिक क्षेत्र’ निर्माण गरिदैछ । जग्गा सिमांकन गर्न खोज्दा यसअघि विवाद भएको थियो । औद्योगिक क्षेत्रको जग्गा सिमांकनमा विवाद उत्पन्न भएपछि गत बिहीबार जिल्ला प्रशासन कार्यालय बाँकेमा बसेको सर्वदलिय तथा सर्वपक्षिय बैठकले सोमबारबाट जग्गा सिमांकन गर्ने सहमती गरेको थियो ।

त्यसपछि बैजनाथ गाउँपालिकाको समन्वयमा स्थानीय बासिन्दासँग निरन्तर संवाद गरिएको छ । सिमांकन स्वरुप सोमबार मानव बस्ती र औद्योगिक क्षेत्रको जग्ग्गाको बीचबाट बाटो खोल्ने काम अगाडी बढाइनेछ । औद्योगिक क्षेत्र ब्यवस्थापन लिमिटेडका महाप्रबन्धक पदम ओलीले सोमबार बिहान ११ बजे आफुहरु फिल्डमा पुग्ने जानकारी दिए । ‘स्थानीय बासिन्दालाई सम्झाउने बुझाउने काम पनि गरेका छौं, उहाँहरुले अवश्य पनि मान्नु हुन्छ, भन्ने कुरामा हामीलाई विश्वास छ,’ ओलीले भने ‘औद्योगिक क्षेत्रको एरिया बाहेक हामीहरु बहिर जादैनौं ।’

बैजनाथ गाउँपालिका-३ का वडाअध्यक्ष निखिल बैगारले अधिकांस स्थानीय बासिन्दा सहमत भएपनि केही ब्यक्तीहरु अझैपनि सहमत नभएको बताए । ‘केहीले मान्नु भएको छैन, हामीले सम्झाउने अधिकतम प्रयास गरेका छौं,’ उनले भने । गाउँ कार्यपालिकाका सदस्य समेत रहेका वडाअध्यक्ष बैगारले बैजनाथ गाउँपालिका कार्यालयमा पनि यस विषयमा छलफल भएको बताए ।

प्रकाशित मिति: सोमबार, चैत ११, २०८१ १०:१३

प्रतिक्रिया दिनुहोस्