नेपालगन्ज : नेपालगन्जमा शुक्रबारबाट रोजगार मेला सुरु भएको छ । नेपालगन्ज उद्योग वाणिज्य संघ बाँकेले उक्त मेला सञ्चालन गरेको हो । जिल्लाका सात वटा स्थानीय तहसँगको सहकार्यमा शुक्रबारदेखि सुरु भएको मेला शनिबारसम्म चल्नेछ । मेलाको नेपालगन्ज उपमहानगरपाालिकाका नगर प्रमुख प्रशान्त विष्टले उद्घाटन गरे ।
नेपालगन्ज उद्योग वाणिज्य संघका अध्यक्ष टंकबहादुर धामीको अध्यक्षतामा सम्पन्न उद्घाटन शत्रमा प्रमुख अतिथी बिष्टसहित, बाँकेका प्रमुख जिल्ला अधिकारी धर्मराज जोशी, खजुरा गाउँपालिका अध्यक्ष डम्बरबहादुर बिक तुफान, उपाध्यक्ष मञ्जु मल्ल, संघका पूर्वअध्यक्ष कृष्णप्रसाद श्रेष्ठ, नेपाल पत्रकार महासंघ बाँकेका अध्यक्ष नवीन गिरी लगायतले शुभकामना मन्तब्य ब्यक्त गरेका थिए । संघका वरिष्ठ उपाध्यक्ष चिरञ्जीवी ओेलीले स्वागत गरेका थिए । उक्त मेलामा जिल्लाका ८ वटै स्थानीय तहका गाउँ र टोलबाट बेरोजगारहरुको लर्को नैैै लागेको थियो । गाउँ, टोलबाट सहभागीहरु ल्याउन स्थानीय तहले पनि भूमिका खेलेका थिए । स्थानीय तहमा सूचीकृत बेरोजगारहरुलाई मेलामा सहभागी गराइएको थियो ।
संघका रोजगार मेला व्यवस्थापन समितिका संयोजक भीमबहादुर रानाभाटका अनुसार शुक्रबार जिल्लाका गाउँगाउँबाट आएका करिब ६ सय बेरोजगारहरुले रोजगारीका लागि निवेदन दिएका थिए । आयोजकले रोेजगार खोज्ने झन्डै तीन सय जनालाई फारम भर्न लगाएर रोेजगारदाताका ४० वटा स्टलमा पठाएका थिए । रोेजगारदाताको स्टलमा पनि झन्डै तीन सय जनाले फर्म भरेका थिए । शुक्रबार उद्योगका विषयमा संवाद गरिएकोे थियो ।
रोजगार मेलामा शनिबार कृषि र जडिबुटीको एउटा र पर्यटनको अर्को संवाद हुनेछ । संवाद लगत्तै रोजगारदाता र रोजगारको खोजीमा रहेका ब्यक्तिबीच अन्तर संवाद हुनेछ । संघका अध्यक्ष टंकबहादुर धामी बाँके रोजगार मेलाबाट रोजगारदातालाई आवश्यक पर्ने जनशक्तिको पहिचान गरी आगामी दिनमा जिल्लाका उद्योग प्रतिष्ठानलाई आवश्यक पर्ने जनशक्ति उत्पादन गरी बेरोजगारीको समस्यामा अभियान सञ्चालन गर्ने बताउँछन् ।
संघले रोजगार मेलामा फर्म भरेका ब्यक्तिको सीप, क्षमता र दक्षताको विश्लेषण गरी जिल्लाका उद्योग तथा औद्योगिक प्रतिष्ठानमा आवश्यक पर्ने जनशक्ति तयार गर्ने योजना सुनाउँछन् । जसका लागि स्थानीय, प्रदेश र संघीय सरकारसँग आगामी दिनमा सहकार्य गर्ने संघको योजना रहेको छ ।
यो पनि पढ्नुस् :
बाँकेमा भोलिदेखी लाग्दै रोजगार मेला
