औद्योगिक क्षेत्र विकास संघको भवन निर्माण प्रक्रिया अगाडी बढ्यो

अर्थ

Home
अर्थ
औद्योगिक क्षेत्र विकास संघको भवन निर्माण प्रक्रिया अगाडी बढ्यो

औद्योगिक क्षेत्र विकास संघको भवन निर्माण प्रक्रिया अगाडी बढ्यो

नेपालगन्ज : नेपाल औद्योगिक क्षेत्र व्यवस्थापन लिमिटेड, नेपालगन्ज शाखाले नेपालगन्ज औद्योगिक क्षेत्र उद्योग विकास संघलाई भवन निर्माण गर्न प्रदान गरिएको शुन्य दशमलभ ६६ रोपनी जग्गाको औपचारिक सम्झौता भएको छ ।

नेपालगन्ज औद्योगिक क्षेत्र व्यवस्थापन लिमिटेडका कार्यालय प्रमुख प्रदीप पराजुलीले संघ सँगको सहकार्यलाई अझ सशक्त बनाउँदै छिटोभन्दा छिटो भवन निर्माण कार्य सम्पन्न गरी संघका गतिविधिहरू सञ्चालन गर्न शुभकामना दिए ।

उनले उद्योगी र व्यवस्थापन कार्यालयबीचको सम्बन्ध थप प्रगाढ बनाउने तथा समन्वयपूर्ण वातावरणमा उद्योग सञ्चालन गर्न सबै पक्ष प्रतिवद्ध रहनुपर्ने धारणा राखे । सो क्रममा संघका अध्यक्ष अब्दुल वाहिद अन्सारीले जेठ ३१ गते सम्पन्न दोस्रो अधिवेशनबाट अध्यक्षमा निर्वाचित भएपछि आफू योजनाबद्ध ढंगले अघि बढिरहेको जानकारी दिए ।

‘जग्गा सम्झौता हाम्रो दीर्घकालिन योजना अनुसारको पहिलो पाइला हो, अब हामी छिट्टै भवन निर्माण कार्य सुरु गर्दैछौ,’ उनले भने । उद्योगी समुदायको साझा उद्देश्यमा एकता र सहभागिता अझ मजबुत बनाउने लक्ष्यसहित संघले निर्माण कार्य अगाडी बढाउने जनाएको छ ।

प्रकाशित मिति: शुक्रबार, असार २७, २०८२ १५:२७

प्रतिक्रिया दिनुहोस्