मौद्रिक नीति पछिको पहिलो कारोबार दिन नेप्सेमा उच्च अंकको वृद्धि, साढे ११ अर्बको कारोबार

अर्थ

Home
अर्थ
मौद्रिक नीति पछिको पहिलो कारोबार दिन नेप्सेमा उच्च अंकको वृद्धि, साढे ११ अर्बको कारोबार

मौद्रिक नीति पछिको पहिलो कारोबार दिन नेप्सेमा उच्च अंकको वृद्धि, साढे ११ अर्बको कारोबार

काठमाडौं : सेयर बजारलाई राहत मौद्रिक नीति आएसँगै नेप्सेमा उच्च अंकको वृद्धि देखिएको छ। राष्ट्र बैंकले शुक्रबार मौद्रिक नीति ल्याएपछिको पहिलो कारोबार दिन आइतबार नेप्से २९ अंकले बढेर २७६०.८० विन्दुमा बन्द भएको छ ।

लगानीकर्ताहरू उत्साहित देखिएपछि कारोबार सुरू भएको केही समयमै नेप्से उच्च अंकले बढेर २८ सय विन्दु हाराहारी पुग्यो । तर, नेप्से केही समयपछि भने स्वभाविक लयमा गयो।विशेष गरेर मौद्रिक नीतिमा आएको चार व्यवस्थाले बजारमा सकारात्मक प्रभाव पार्ने देखिएको छ ।

मौद्रिक नीतिले एकल ग्राहकको सेयर धितो कर्जा सीमा १५ करोडबाट बढाएर २५ करोड पुर्‍याएको छ। दोस्रो, बैंकहरूले अब आवश्यकता अनुसार राष्ट्र बैंकको स्वीकृतिमा पुँजी बढाउन पाउने भएका छन ।

यसैगरी, ब्याजदर करिडोरको माथिल्लो सीमालाई ६.५ प्रतिशतबाट घटाएर ६ प्रतिशत र ब्याजदर करिडोरको तल्लो सीमालाई तीन प्रतिशतबाट घटाएर २.७५ प्रतिशत बनाएको छ ।

यस्तै, मौद्रिक नीतिले लघुवित्त वित्तीय संस्थाहरूलाई हाल लाग्दै आएको लाभांश सीमामा पुनरवलोकन गर्ने भएको छ ।

प्रकाशित मिति: आइतबार, असार २९, २०८२ १८:१३

प्रतिक्रिया दिनुहोस्