बाँकेसहित देशभर एमालेको आज स्थानीय तहको अधिवेशन

राजनीति

Home
राजनीति
बाँकेसहित देशभर एमालेको आज स्थानीय तहको अधिवेशन

बाँकेसहित देशभर एमालेको आज स्थानीय तहको अधिवेशन

नेपालगन्ज : प्रमुख प्रतिपक्षी दल नेकपा (एमाले)ले (मंगलबार) आज बाँकेसहित देशभरका स्थानीय तहमा अधिवेशन गर्न लागेको छ। एमाले अध्यक्ष केपी शर्मा ओलीले दिउँसो १ बजे भर्चुअल माध्यमबाट देशभरका स्थानीय तहको अधिवेशन उद्घाटन गर्दैछन । देशभर ७ सय ५३ स्थानीय तह छन । यसअघि कात्तिक ६ गते वडा अधिवेशनको पनि भर्चुअल माध्यमबाट उनलेे उद्घाटन गरेका थिए।

बाँकेका ८ वटै तहमा स्थानीय तहको अधिवेशन हुन लागेको एमाले बाँकेका अध्यक्ष निरक गुरुङले जानकारी दिए । सबै स्थानीय तहमा सर्बसम्मत नेतृत्व चयन गर्ने प्रयासमा आफुहरु रहेको उनले बताए । "पार्टीको अधिवेशन भएपछि धेरै जना इच्छुक हुनु स्वभाबिक हो, तर सर्बसम्मत नै नेतृत्व चयन गराउनको लागि एउटा टिम नै छ ," उनलेे भने ।
बाढी र पहिरो प्रभावित क्षेत्रबाहेक अन्य वडामा एमालेको वडा अधिवेशन भइसकेको छ। सुदूरपश्चिम, कर्णाली लगायत बाढी प्रभावित क्षेत्रमा वडा अधिवेशन हुन बाँकी छ। वडा अधिवेशन नभएका ति स्थानीय तहमा आज स्थानीय तहका अधिवेशन पनि हुनेछैनन । वडा अधिवेशन भएपछि मात्रै स्थानीय तहको अधिवेशन हुनेछ।

कात्तिक १५ गतेसम्म स्थानीय तहको अधिवेशन गरिसक्ने एमालेको तयारी छ। त्यसपछि जिल्ला र प्रदेश अधिवेशन हुनेछ। एमालेले १०औं महाधिवेशन मंसिर १० देखि १२ सम्म चितवनमा हुने निश्चित भइसकेको छ।

प्रकाशित मिति: मंगलबार, कात्तिक ९, २०७८ ०८:०७

प्रतिक्रिया दिनुहोस्