महिला उद्यमी महासंघको लुम्बिनी प्रदेश स्तरिय समिति बिस्तार

अर्थ

Home
अर्थ
महिला उद्यमी महासंघको लुम्बिनी प्रदेश स्तरिय समिति बिस्तार

महिला उद्यमी महासंघको लुम्बिनी प्रदेश स्तरिय समिति बिस्तार

नेपालगन्ज : महिला उद्यमी महासंघ नेपालको लुम्बिनी प्रदेश स्तरिय कार्यसमिति बिस्तार भएको छ । बाँके निवासी महिला उद्यमी सरस्वती शर्मा पराजुलीको अध्यक्षतामा ९ सदस्यीय तदर्थ समिति बुधबार विस्तार गरिएको हो । समितिको उपाध्यक्षमा सुनिता चन्द राना (पाल्पा), सचिवमा अनिता खड्का (रुपन्देही) र कोषाध्यक्षमा अन्जु गुरुङ (बाँके) चयन भएका छन् ।

यसैगरी सदस्यहरुमा यशोदा पाण्डे(दाङ), कल्पना कुँवर(कपिलवस्तु), उमा पन्त क्षेत्री (बर्दिया), हिरा घले गुरुङ (रोल्पा) र निर्मला खत्री (गुल्मी) रहेका छन् । नेपालगन्जमा बुधबार एक समारोहका बीच महासंघले लुम्बिनी प्रदेशसँगै कोहलपुर नगरपालिका स्तरिय समिति पनि बिस्तार गरेको थियो । नेपालगन्ज उपमहानगरपालिकाका नगर प्रमुख प्रशान्त विष्टको प्रमुख आतिथ्यतामा आयोजित अधिवेशनमा प्रदेश समितिसँगै महासंघको कोहलपुर नगर समिति बिस्तार गरिएको हो ।

खुवाउँदै महिला उद्यमी महासंघ नेपालका केन्द्रिय अध्यक्ष शोभा ज्ञवालीले महासंघलाई स्थानीय, जिल्ला, प्रदेश हुँदै केन्द्रीय तहसम्म बिस्तार गर्ने योजना अनुसार समिति गठन गर्न सुरु गरिएको बताइन् । ‘महासंघलाई हामीले प्रदेश स्तरमा गठन गर्न सुरु गरेका छौं,’ उनले भनिन्, ‘स्थानीय, प्रदेश हुँदै केन्द्रसम्म हामीले महिला उद्यमी महासंघलाई पुर्याउन चाहन्छौं ।’ २३ वर्षको लामो इतिहास बोकेको महासंघलाई अझ उचाईमा पुर्याउन आफुहरु लागिपरेको अध्यक्ष ज्ञवालीले बताइन् ।

प्रकाशित मिति: बुधबार, साउन २८, २०८२ २२:४०

प्रतिक्रिया दिनुहोस्