मुख्यमन्त्री आचार्यको विश्वासको मतको प्रस्तावमा मतदान हुँदै

राजनीति

Home
राजनीति
मुख्यमन्त्री आचार्यको विश्वासको मतको प्रस्तावमा मतदान हुँदै

मुख्यमन्त्री आचार्यको विश्वासको मतको प्रस्तावमा मतदान हुँदै

विराटनगर : प्रदेश १ का मुख्यमन्त्री भीम आचार्यले पेश गरेको विश्वासको मतको प्रस्तावमाथि सोमबार(आज) प्रदेश सभामा मत विभाजन हुँदैछ । यसका लागि मध्यान्ह १२ः३० बजे प्रदेश सभाको बैठक बोलाइएको छ ।

बैठकमा मत विभाजनका लागि सबै तयारी पूरा भएको छ । नेकपा एमाले विभाजनसँगै प्रदेश १ का मुख्यमन्त्री आचार्य अल्पमतमा परेका छन । उनले सोमबार विश्वासको मत पाउने सम्भावना न्यून रहेको छ ।

आइतबार बसेको विपक्षी दलको बैठकले मुख्यमन्त्री आचार्यलाई विश्वासको मत नदिने निर्णय गरेको छ । नेपाली कांग्रेस, नेकपा माओवादी केन्द्र, नेकपा एकीकृत समाजवादी र जनता समाजवादी पार्टीले नयाँ मुख्यमन्त्री बनाउने तयारी रहेका छन ।

विपक्षी गठबन्धनको तर्फबाट एकीकृत समाजवादीको संसदीय दलका नेता राजेन्द्र राईलाई मुख्यमन्त्री बनाउने तयारी गरिएको छ । आइतबार बसेको बैठकले निर्णय पनि गरिसकेको छ । प्रदेश १ मा विपक्षी गठबन्धनको बहुमत रहेको छ । ९२ सांसद रहेको प्रदेश सभामा सरकार गठनका लागि ४७ सांसद आवश्यक पर्छ । एमालेका ४१ सांसद मात्रै छन ।

विपक्षी गठबन्धनमा कांग्रेसका २१ जना, माओवादीका १५ जना, एकीकृत समाजवादीका १० जना, जनता समाजवादीका ३ जना र संयुक्त लोकतान्त्रिक राष्ट्रिय मञ्चका १ जना सांसद छन ।

प्रकाशित मिति: सोमबार, कात्तिक १५, २०७८ ०८:५७

प्रतिक्रिया दिनुहोस्