भारतीय प्रधानमन्त्री मोदीको भ्रणण तालिका सार्वजनिक

समाज

Home
समाज
भारतीय प्रधानमन्त्री मोदीको भ्रणण तालिका सार्वजनिक

भारतीय प्रधानमन्त्री मोदीको भ्रणण तालिका सार्वजनिक

भारतीय प्रधानमन्त्री नरेन्द्र मोदी ।

काठमाडौं : प्रधानमन्त्री शेरबहादुर देउवाको निमन्त्रणामा भारतीय प्रधानमन्त्री नरेन्द्र मोदीले जेठ २ गते लुम्बिनीको औपचारिक भ्रमण गर्ने भएका छन । परराष्ट्र मन्त्रालयले बिहीबार एक विज्ञप्ति जारी गर्दै उनको भ्रमणबारे औपचारिक जानकारी दिएको हो।

विज्ञप्ति अनुसार मोदी बुद्ध जयन्तीका अवसरमा लुम्बिनीमा आयोजित विशेष समारोहमा सहभागी हुनेछन । नेपालका प्रधानमन्त्री देउवा र भारतका प्रधानमन्त्री मोदी लुम्बिनीस्थित मायादेवी मन्दिरमा हुने भनिएको प्रार्थनामा भाग लिनेछन । विहार क्षेत्रमा बौद्ध संस्कृति र सम्पदा केन्द्रको निर्माणको शिलान्यास गरी विशेष समारोहलाई सम्बोधन गर्ने कार्यक्रम छ ।

लुम्बिनी अन्तराष्ट्रिय बौद्ध ध्यान केन्द्र र सभाहलमा बुद्ध जयन्ती समारोह गरिदैछ । लुम्बिनीमा रहँदा दुवै प्रधानमन्त्रीले नेपाल भारत सहयोग र आपसी हितका बिषयमा दुई पक्षिय वार्ता गर्नेछन । प्रधानमन्त्री देउवाले भारतीय प्रधानमन्त्रीको सम्मानमा दिवाभोजको आयोजना गर्ने भएका छन ।

मन्त्रालयले भारतीय प्रधानमन्त्री मोदीको भ्रमणले दुई देशबीचको सदियौं पुरानो सामाजिक–सांस्कृतिक सम्बन्धलाई थप सुमधुर बनाउन सहयोग पुग्ने विश्वास व्यक्त गरेको छ । भारतीय प्रधानमन्त्रीको यो पाँचौ नेपाल भ्रमण हो ।

प्रकाशित मिति: बिहीबार, वैशाख २९, २०७९ १७:५७

प्रतिक्रिया दिनुहोस्