नेपालगन्ज : नेपालगन्जमा यही मंसर २९ गते हुन लागेको ‘नेपथ्य लाइभ कन्सर्ट’ का लागि यहाँ आइपुगेका नेपथ्य ब्याण्डका चर्चित गायक अमृत गुरुङसँग मंगलबार भेटघाट तथा अभिवादन कार्यक्रम गरिएको छ । मानव सेवा आश्रमको भवन निर्माण एवं अक्षयकोष स्थापनार्थ मानवताका लागि सांगितिक कार्यक्रमको पुर्वसन्ध्यामा गायक गुरुङसहित नेपथ्य परिवारसँग उक्त कार्यक्रम गरिएको हो ।
नेपालको चर्चित ब्याण्ड नेपथ्य ब्याण्डसँगको सहकार्यमा मानवसेवा आश्रमले नेपालगन्ज रंगशालामा उक्त कन्सर्ट आयोजना गर्दैछ । नेपथ्य ब्याण्डका चर्चित गायक गुरुङ, किरण श्रेष्ठ, अर्पण शर्मा सहित प्राविधिक समेत गरि ७० जनाको टोली सोमबार बेलुका नेपालगन्ज आइपुगेको थियो ।
मानवसेवा आश्रम नेपालगन्जको कार्यालय परिसरमा आयोजित कार्यक्रममा आश्रमका संस्थापक अध्यक्ष रामजी अधिकारी, आश्रमकी केन्द्रिय सदस्य एवम् अभियन्ता सिर्जना ओली, नेपथ्य लाईभ कन्सर्ट मूल समितिका संयोजक कृष्णप्रसाद श्रेष्ठ, दानवीर एवं जग्गादाता जे.के. सिंह, लगायतले गायक गुरुङ, श्रेष्ठ लगायतलाई स्वागत गरेका थिए ।
सो क्रममा बोल्दै गायक गुरुङले भने, ‘नराम्रा मान्छे भएर समाज बिग्रेको रहेनछ, असल मान्छेहरु सक्रिय रुपमा नलागेर नै समाज बिग्रेको जस्तो लाग्यो ।’ धेरै राम्रा मान्छेहरु संसारमा रहेको बताउँदै उनले भने
मनलाई मेरो तर्फबाट धेरै-धेरै नमन छ ।’ मान्छेले गरेका कृति र पुण्यका कुरालाई अर्को पुस्ताले सम्झिने गायक गुरुङले बताए ।
आश्रमकी केन्द्रीय सदस्य ओलीले स्वागत गरेको उक्त कार्यक्रममा दानवीर जे.के. सिंह, नेपथ्य लाइभ कन्सर्ट मुल समितिका संयोजक कृष्णप्रसाद श्रेष्ठ, वरिष्ठ साहित्यकार सनत रेग्मी, नेपालगन्ज उपमहानगरपालिकाका निर्वतमान उपमेयर उमा थापामगर, केएल दुगड गु्रपका प्रबन्ध निर्देशक प्रदिप छाजेड लगायतले बोलेका थिए ।
मानवसेवा आश्रमका अध्यक्ष रामजी अधिकारीले सञ्चालन गरेको उक्त कार्यक्रममा नेपथ्य लाइभ कन्सर्टका लागि गठित विभिन्न समितिका पदाधिकारी तथा मानवसेवा आश्रमका अभियन्तालाई गायक गुरुङले रुद्राक्षको माला लगाएर सम्मान प्रकट गरेका थिए ।
सहयोगापेक्षी सडक आश्रित मानवहरुको सेवा गर्दै आइरहेको मानव सेवा आश्रमको भवन निर्माण र आश्रितको स्वास्थ्य उपचारका लागि आपतकालिन अक्षयकोष स्थापनार्थ कन्सर्ट गर्न लागिएको हो । गायक गुरुङले मानवता झल्किने र मानवता प्रवद्र्धनमा सहयोग पुग्ने गीतहरु कन्सर्टमा प्रस्तुत गर्नेछन् ।
लाइभ कन्सर्टका लागि मंगलबार (आज) देखी मञ्च व्यवस्थापन लगायतको कार्य अगाडी बढाइएको सुरक्षा तथा समारोेह स्थल व्यवस्थापन समितिका संयोजक जयनारायण शाहले बताए । ‘नेपथ्य लाइभ कन्सर्टका लागि मञ्च व्यवस्थापन लगायतको कार्य अगाडी बढाइएको छ,’ उनले भने । 
आश्रमले बेसहारा, अशक्त, असहाय, अनाथ, अभिभावक विहीन, मानसिक तथा शारीरिक रुपमा कमजोर मानवहरुको उद्धार, उपचार, परामर्श, पारिवारिक पुनर्मिलन, लालनपालन, संरक्षण, मानवोचित व्यवस्थापन गर्दै आइरहेको छ ।
दानवीर एवं समाजसेवी सिंहले मानव सेवा आश्रमको भवन निर्माणका लागि डुडुवा गाउँपालिका वडा नम्बर ६ मा जग्गा दान गरेपछि भवन निर्माण प्रक्रिया सुरु हुन लागेको छ । सिंगो नेपाल राष्ट्रलाई नै सहयोगापेक्षी सडकआश्रित मानव मुक्त राष्ट्र निर्माण गर्ने महाअभियानसहित मानवसेवा आश्रमले यही बैशाख १ गतेबाट नेपालगन्ज उपमहानगरपालिकाको वडा नम्बर १० मा घर भाडामा लिएर सेवा सञ्चालन गरिरहेको छ । 
भिडियो हेर्नुस् :
