नेपालगन्ज : नेपालगन्जमा जारी चौथो प्रादेशिक औद्यौगिक लघु, घरेलु तथा कृषि, प्रविधि, व्यापार एवं पर्यटन महोत्सवमा शनिबार कलाकारले दमदार प्रस्तुती देखाएका छन् । नेपालगन्जवासीलाई नचाउन र भरपुर मनोरञ्जन गराउन राष्ट्रिय ख्याती प्राप्त गायक, गायिका, बाल गायक र हाँस्य कलाकारले बेजोड प्रस्तुती देखाएका हुन् ।
नेपालगन्जको कारकाँदोस्थित सडक डिभिजन कार्यालय परिसरमा जारी महोत्सवमा शनिबार ख्याती प्राप्त गायक रमेशराज भट्टराई, गायिका प्रिती आले, बाल गायक सुप्रिम मल्ल, डान्सर टिका जैसी, डान्सर अस्मिता कार्की, हाँस्य कलाकार भुवनेश्वर अधिकारीको बेजोड प्रस्तुती रहेको थियो ।
चर्चित गायक भट्टराईले कोभिडको समयपछि नेपालगन्जको पहिलो महोत्सवमा धेरै दर्शकको उपस्थिती देखेको बताए । उनले यो उपस्थिती र आफ्नो गीतहरुलाई असाध्यै मन पराइदिएकोमा दर्शकलाई कृतज्ञता ब्यक्त गरे ।
यस्तै चर्तित गायिका प्रिती आलेको प्रस्तुतीले महोत्सव तातेको थियो । उनको प्रस्तुतीका क्रममा दर्शकहरु कम्मर मकाई मर्काई नाचेका थिए । यसैगरी बाल गायक मल्लले समेत यो ठूलो भिड अहिलेसम्म पहिलो पटक देखेको बताए । उनले ‘जाउ बाबु नभन्नु आमा, जान्न म साहुको मेलामा’.... बोलको गीत गाउँदा दर्शकहरु छमछमी नाचेका थिए ।
![Mahodsab_21 Gate_Photo 41675528542.JPG](https://www.dursanchar.com/uploads/posts/Mahodsab_21 Gate_Photo 41675528542.JPG)
उनले गाएको गीतको गहिराईमा ढुवेर केही दर्शक भाबुक हुदैँ आसु समेत झारेका थिए । उनले आफु नेपालगञ्जमा जन्मिएको ठाँउ रहेको बताउदै दोस्रो पटक नेपालगञ्ज आएको जानकारी दिए । उनी केही वर्ष नेपालगञ्जको राझाँमा रहेको एक स्कुलमा आफु पढेको समेत सुनाए । उनले नेपालगञ्जवासी संग आजको लागि बिदाई माग्दै फेरी पनि भेट्न आउने वाचा समेत गरे ।
महोत्सवमा हाँस्य कलाकार अधिकारीले हजारौं दर्शक बीच विभिन्न चरा, जनावर र व्यक्तिको बोल्ने शैलीको आवाज निकालेर मनोरञ्जन गराएका थिए । महोत्सवमा आइतबार गायक बद्री पंगेनी, गायिका एलिना चौहान, मोडल एवं डान्सर अञ्जली अधिकारी आउने भएका प्रचार-प्रसार समितिका संयोजक भागवत कंडेलले जानकारी दिए ।
![Mahodsab_21 Gate_Photo 21675528542.JPG](https://www.dursanchar.com/uploads/posts/Mahodsab_21 Gate_Photo 21675528542.JPG)
उनका अनुसार आइतबार स्थानीय कलाकार गायक अशोक रावलको समेत प्रस्तुती रहनेछ । दर्शकको थप मनोरञ्जन र स्थानीय कलाकारको उत्पादन गर्ने उद्देश्यका लागि लुम्बिनी प्रदेश स्तरीय नृत्य प्रतियोगिता भईरहेको छ ।
महोत्सवमा आईतबारसम्म एस.एम. कला केन्द्र गु्रपको समेत प्रस्तुती रहने भएको छ । नेपाल घरेलु तथा साना उद्योग महासंघ बाँके र शिवालय सेक्युरिटी तथा मल्टिपर्पोज कम्पनी प्रा.लि. को संयुक्त आयोजनामा जारी महोत्सव अझै ३ दिन सम्म जारी रहने बताइएको छ ।
![Mahodsab_21 Gate_Photo 11675528538.JPG](https://www.dursanchar.com/uploads/posts/Mahodsab_21 Gate_Photo 11675528538.JPG)