नेपालगन्जमा दिउँसोको कर्फ्यु हट्यो, रातमा यथावत

समाज

Home
समाज
नेपालगन्जमा दिउँसोको कर्फ्यु हट्यो, रातमा यथावत

नेपालगन्जमा दिउँसोको कर्फ्यु हट्यो, रातमा यथावत यातायात तथा पसल व्यवसाय सुचारु

नेपालगन्ज :जिल्ला प्रशासन कार्यालय बाँकेले नेपालगन्ज उपमहानगरपालिका क्षेत्रमा लगाइएको अनिश्चितकालिन कर्फ्युमा हेरफेर गरिएको छ ।

बिहीबार (आज) बिहान ८ बजेदेखि राती ८ बजेसम्मका लागि कर्फ्यु हटाइएको हो । बाँकेका प्रमुख जिल्ला अधिकारी विपिन आचार्यले एक सूचना जारी गर्दै यस्तो जानकारी दिएका हुन । कर्फ्यु खुकुलो भएसँगै बजारमा यातायात चल्न थालेका छन, भने पसल पनि खुल्न सुरु गरेका छन् ।

स्थानीय प्रशासनले राती ८ बजेदेखि बिहान ६ बजेसम्म भने पूर्ववत रुपमा नेपालगन्ज उपमहानगरपालिका क्षेत्रभित्र कर्फ्यु आदेश जारी रहने जनाएको छ ।

प्रशासनले दिउँसोको समयमा कर्फ्यु हटेपनि नेपालगन्ज उपमहानगरपालिका क्षेत्रभित्र कुनै प्रकारको भेला, जुलुस, सभा, बैठक वा प्रदर्शन तथा पोष्टर, पर्चा जस्ता प्रचार सामग्री टाँस्न वा लेख्न नपाइने गरी तथा हुलदंगा वा अशान्ति गर्ने उद्देश्यले एकै ठाउँमा पाँच जना भन्दाबढी मानिस जम्मा हुन नपाउने गरि निषेधाज्ञा जारी गरेको छ ।

दुई समुदायबीच उत्पन्न तनावका कारण मंगलबार दिउँसो १ बजेदेखि स्थानीय प्रशासनले नेपालगन्ज उपमहानगरको पुर्बमा राप्ती पुल, उत्तरमा राँझा चोक, दक्षिणमा जमुनाहा नाका र पश्चिममा खजुरा रोडको इन्द्रपुर जाने बाटोमा कर्फ्यु लगाएको थियो ।