सुर्योदय मावि चिसापानीले पायो सुविधायुक्त भवन

समाज

Home
समाज
सुर्योदय मावि चिसापानीले पायो सुविधायुक्त भवन

सुर्योदय मावि चिसापानीले पायो सुविधायुक्त भवन नयाँ भवनमा पढ्न पाउँदा बिद्यार्थी दंग

भवन उद्घाटन गर्दै प्रमुख अतिथी एवम् बैजनाथ गाउँपालिका अध्यक्ष प्रकाशबहादुर शाही । तस्बिर : दूरसञ्चार

बाँके(चिसापानी) : सुर्योदय माध्यामिक बिद्यालय चिसापानीले सुविधायुक्त भवन पाएको छ । बैजनाथ गाउँपालिका वडा नम्बर १ मा निर्मित उक्त भवनको बैजनाथ गाउँपालिका अध्यक्ष प्रकाशबहादुर शाहीले एक कार्यक्रमका बीच शुक्रबार उद्घाटन गरेका छन् ।

आर्थिक वर्ष २०७९/०८० को राष्ट्रपति शैक्षिक सुधार कार्यक्रममार्फत भवन निर्माण सुरु गरिएको थियो । गाउँपालिका अध्यक्ष शाहीका अनुसार कुल ५४ लाख रुपैयाँको लागतमा दुई तले, चार कोठे भवन निर्माण कार्य सम्पन्न भएको हो ।

भवन निर्माण भएपछि शैक्षिक क्रियाकलाप सञ्चालन गर्न बिद्यालयलाई सहज भएको प्रमुख अतिथी समेत रहेका अध्यक्ष शाहीले बताए । ‘बिद्यार्थी संख्याको अनुपातमा बिद्यालयसँग भवन अभाव थियो, यो भवन बनेसँगै अब धेरै नै राहत भएको छ,’ उनले भने ।

भवन उद्घाटन कार्यक्रममा बैजनाथ गाउँपालिका वडा नम्बर १ का वडाअध्यक्ष रुपबहादुर मल्ल, बिद्यालय ब्यवस्थापन समितिका अध्यक्ष मानसिंह बुढाक्षेत्री, प्रधानाध्यापक दीपकबहादुर शाही, विभिन्न दलका प्रतिनिधि, अभिभावक, बिद्यार्थी लगायतको उपस्थिती रहेको थियो । नयाँ भवनमा पढ्न पाउँदा बिद्यालयका बिद्यार्थी दंग परेका छन् ।

Suryodaya MaVi Chisapani Vawan1697212164.jpg