भारतले हस्तान्तरण गरेको राहत सामाग्री प्रभावित जिल्लामा पठाइयो

समाज

Home
समाज
भारतले हस्तान्तरण गरेको राहत सामाग्री प्रभावित जिल्लामा पठाइयो

भारतले हस्तान्तरण गरेको राहत सामाग्री प्रभावित जिल्लामा पठाइयो

नेपालगन्ज : भारतले हस्तान्तरण गरेको राहत सामाग्री भूकम्प प्रभावित जिल्लामा सोमबार राती नै पठाइएको छ । बाँकेका प्रमुख जिल्ला अधिकारी एवम् जिल्ला विपद ब्यवस्थापन समितिका संयोजक श्रवणकुमार पोखरेलले सोमबार राती नै २ वटा ट्रकमा राहत सामाग्री पठाइएको जानकारी दिए ।

उनका अनुसार राती ९ बजेतिर दुबै ट्रकलाई सम्बन्धित जिल्लामा पठाइएको हो । नेपालगन्जबाट सोमबार राती दोस्रो खेपको राहत पठाइएको हो । भारतीय वायुसेनाको जहाजले सोमबार बेलुका दोस्रो खेपको राहत नेपालगन्ज विमानस्थलमा ल्याएको थियो ।

भारतले पहिलो खेपको राहत आइतबार अपरान्ह हस्तान्तरण गरेकोमा उक्त राहतलाई पनि जिल्ला विपद ब्यवस्थापन समिति बाँकेको पहलमा आइतबार बिहान जाजरकोट र रुकुम(पश्चिम) पठाइएको थियो । उक्त राहत सम्बन्धित जिल्लामा पुगिसकेको प्रजिअ पोखरेलले बताए ।

भूकम्प पश्चात घाइतेको उपचार ब्यवस्थापनमा सक्रिय भएको जिल्ला बिपद ब्यवस्थापन समिति बाँके अहिले राहत सामाग्री ब्यवस्थापनमा लागेको छ ।

यो पनि पढ्नुस् :

भारतले पठाएको दोस्रो खेपको आईपुग्यो राहत- (भिडियो सहित)

प्रकाशित मिति: सोमबार, कात्तिक २०, २०८० २२:४६

प्रतिक्रिया दिनुहोस्