नेपालगन्ज : पर्यटकीय गन्तब्य बाँके–बर्दियाका समस्या, चुनौती र समाधानबारे सरोकारलाबीच छलफल भएको छ । बाँके र बर्दियाका पर्यटन ब्यवसायी, पर्यटनसँग सरोकार राख्ने निकाय लगायतबीच शनिबार नेपालगन्जमा छलफल भएको हो ।
नेपाल पर्यटन बोर्डको सहयोगमा नेपाल एशोसियशन अफ टूर एण्ड ट्राभल्स एजेन्ट्स (नाट्टा) बाँके च्याप्टरले छलफल गराएको हो । उपस्थित सरोकारवालाबीच नेपालगन्जको पर्यटन, नेपालगन्ज वरिपरी रहेका पर्यटन क्षेत्र, सिमामा पर्यटकले भोगेका अप्ठ्यारा र धार्मिक पर्यटन प्रवद्र्धनका विषयमा समुहगत रुपमा छलफल गरेर प्रस्तुतीकरण गरिएको नाट्टा बाँके च्याप्टरका महासचिव झबिलाल शर्माले बताए ।
भिडियो हेर्नुस् :
छलफलबाट उठेका विषय बस्तु तथा सुझावलाई टिपोट गरिएको छ । कार्यक्रममा बोल्ने बक्ताले पर्यटकीय संरचना निर्माणसँगै पर्यटकलाई गरिने ब्यवहार महत्वपूर्ण हुने बताए । राप्ती सोनारी गाउँपालिका अध्यक्ष तप्तबहादुर पौडेलले पर्यटन प्रवद्र्धनका लागि गाउँपालिकाले विभिन्न काम गर्दै आएको बताए ।
![Turrisum Programme NPJ Photo 21705158319.jpeg](https://www.dursanchar.com/uploads/posts/Turrisum Programme NPJ Photo 21705158319.jpeg)
राप्ती सोनारीमा थुप्रै पर्यटकीय स्थल रहेको उनले सुनाए । यस्तै कोहलपुर नगरपालिकाका उपप्रमुख संगिता सुवेदीले बाँके राष्ट्रिय निकुञ्जसँगै जोडिएका कोहलपुर नगरपालिकाका केही वडामा पर्यटकीय सम्भावना रहेको बताइन् । यसका लागि नगरपालिकाले आवश्यक सहकार्य गर्न तयार रहेको प्रतिवद्धता जनाइन् ।
सो क्रममा नेपाल पर्यटन बोर्डका प्रबन्धक सुर्य थपलिया, नेपालगन्जका पूर्वमेयर विजय गुप्ता, बर्दियाका पर्यटन व्यवसायी कृष्ण भट्टराई, होटल व्यवसायी देवानन्द अर्याल, क्लि नेपालगन्ज, ग्रिन नेपालगन्जका अभियन्ता डा. बिनोद कर्ण लगायतले आफ्नो धारणा राखेका थिए । नाट्टा बाँकेका अध्यक्ष श्रीराम सिग्देलले पर्यटन क्षेत्रका सरोकारवालाबीचको छलफलले पर्यटन प्रवद्र्धनमा उत्पन्न भएका समस्याको उजागर गर्न मद्दत गरेको बताए ।
![Turrisum Programme NPJ Photo 31705158319.jpeg](https://www.dursanchar.com/uploads/posts/Turrisum Programme NPJ Photo 31705158319.jpeg)
![Turrisum Programme NPJ Photo 51705158317.jpeg](https://www.dursanchar.com/uploads/posts/Turrisum Programme NPJ Photo 51705158317.jpeg)
![Turrisum Programme NPJ Photo 41705158317.jpeg](https://www.dursanchar.com/uploads/posts/Turrisum Programme NPJ Photo 41705158317.jpeg)
![Turrisum Programme NPJ Photo 61705158315.jpeg](https://www.dursanchar.com/uploads/posts/Turrisum Programme NPJ Photo 61705158315.jpeg)