राप्ती नदीको सतह ७ मिटर ९० सेन्टिमिटर पुग्यो

समाज

Home
समाज
राप्ती नदीको सतह ७ मिटर ९० सेन्टिमिटर पुग्यो

राप्ती नदीको सतह ७ मिटर ९० सेन्टिमिटर पुग्यो

बाँके(कुसुम) : राप्ती नदीमा पानीको सतह झन् बढ्दै गएको छ । राप्ती सोनारी गाउँपालिका वडा नम्बर १ कुसुमस्थित बाढी मापन केन्द्रमा शनिबार अपरान्ह रेकर्ड गरिए अनुसार नदीको सतह ७ मिटर ९० सेन्टिमिटर पुगेको छ ।

नदीको सतह झन् झन् बढ्दै गएपछि राप्तीको तल्लो तटिय क्षेत्रका स्थानीय बासिन्दा त्रसित भएका छन् । राप्ती सोनारी गाउँपालिका वडा नम्बर १ कुसुमस्थित बाघखोर गाउँमा बाढी पसेर केही घरमा क्षति पुर्याएको छ । ईलाका प्रहरी कार्यालय कुसुमका ईन्चार्ज दोर्णबहादुर खड्काले बाढी पसेर क्षति पुर्याएको जानकारी दिए ।

राप्तीको बाढीले बाघखोरका स्थानीय बासिन्दा खुमलाल रावत, प्रेम सुनार, शालिकराम भण्डारीको घरमा क्षति पुर्याएको बताइएको छ । स्थानीय बासिन्दा माधव रावतका अनुसार राप्तीको बाढी सोही गाउँका राजकुमार रावत, गर्भे बिक, रमेश भण्डारी, धर्मबहादुर ओली, चोपा ओली, रोवर ओलीको घर पनि पस्न लागेको छ ।

बाढी राप्ती सोनारी-१ अन्तर्गत पर्ने कुसुम क्षेत्रका अन्य गाउँमा पनि पसेको बताइएको छ । राप्तीको बाढीले अगैयामा रहेको झोलुंगे पुलमा पनि क्षति पुर्याएको छ । यस्तै अगैयास्थित मसानघाटमा रहेको प्रतिक्षालय पनि बगाउन थालेको छ ।

प्रकाशित मिति: शनिबार, असार २२, २०८१ १७:०१

प्रतिक्रिया दिनुहोस्