नेपालगन्ज : नेकपा एकता राष्ट्रिय अभियानका संयोजक बामदेव गौतमले नागरिकता विधेयकमा राष्ट्रपतिले परम कर्तब्य निर्वाह गर्न नसकेको पुर्वगृहमन्त्री समेत रहेका गौतमले बताएका छन् । नेपालगन्जमा आइतबार पत्रकारसँग कुराकानी गर्दै उनले भने, ‘परम कर्तब्य भनेको त्यो भन्दामाथी अर्को छैन, उहाँले आफै सोचनुपर्छ, उहाँबाट यस्तो भुल भएको छ, जुन भुल त्यो कुर्सीमा बसेको ब्यक्तिले कहिल्यै गर्नु हुन्न ।’
एक पटक फर्काएको विधेयक सदनले फेरी राष्ट्रपति समक्ष प्रमाणिकरण गर्न पठाइसकेपछि प्रमाणिकरण गर्नुभन्दा अर्को विकल्प नभएको पुर्वउपप्रधानमन्त्री समेत रहेका नेता गौतमले बताए । ‘उहाँ (राष्ट्रपति)ले सोच्न पनि सक्नु हुन्न, उहाँले आफ्नो विवेक प्रयोग गर्न पनि पाउनु हुन्न, उहाँले छाप लगाउनै पर्छ, त्यो छाप उहाँको जीवनको सबभन्दा माथिल्लो स्तरको कर्तब्यको पालना हो,’ उनले भने ।
राष्ट्रपतिको कुर्सीमा बसेको ब्यक्तीले आफ्नो कर्तब्य निर्वाह गर्नुपर्नेमा त्यस्तो ठाउँमा राष्ट्रपति चुकेको गौतमको ठहर छ । नागरिकता विधेयक प्रमाणीकरण नगरेर राष्ट्रपति बिद्यादेवी भण्डारीले ठुलो भुल गरेको बताएका छन् । पुर्वउपप्रधानमन्त्री समेत रहेका नेता गौतमले यो भुललाई राष्ट्रपतिले जीवनभरी पश्चाताप गरेर पनि सुधार्न नसक्ने ठोकुवा गरे ।
‘सर्बोच्च अदातले कारण देखाउँ आदेश दियो, राष्ट्रपतिसँग कारण देखाउ आदेश सर्बोच्च अदालतले माग्नुको अर्थ के हो भने राष्ट्रपतिको शिर झुक्यो, जसले राष्ट्रपतिलाई सल्लाह दिएका छन्, तिनीहरुले राष्ट्रपतिलाई अपमान गर्न र समाप्त गर्नका निम्ति भुमिका खेलेका छन्,’ गौतमले भने ।
पत्रकारको जिज्ञासाको जवाफ दिदै उनले प्रधानन्यायाधीस चोलेन्द्र सम्शेर जवरामाथी महाअभियोग दर्ता गर्नेले अपराध गरेको आरोप लगाए । ‘अहिले महाअभियोग लगाउनेहरुले एउटा ब्यक्तिलाई लगेर बीचमा झुण्ड्याइदिनुभयो, न माथी जान सकेको छ, न तल झर्न सकेको छ,’ उनले भने ‘महाअभियोग संबिधान बमोजिम छ, तर महाअभियोग लाग्नको निम्ति लगाइएको हो र ? अरु कुनै उद्देश्यको निम्ति लगाइएको हो ।’
अर्को प्रसंगमा राष्ट्रिय सभामा आफ्नो स्तरको कुनैपनि नेता नभएको उनले सुनाए । ‘किनकी म राजनीतिक प्राणी हो, मेरो जीवनको सुरुवात राजनीतिबाटै भयो, मेरो उद्देश्य नेकपालाई पुनःस्थापित गर्ने हो, आजसम्म पनि मैले त्यो काम छोडेको छैन,’ गौतमले भने ।
भिडियो हेर्नुस :
