‘कोहलपुरको भविष्य निर्माण गर्ने योजना गुमाउन चाहदैनौं- (भिडियो सहित)

विशेष

Home
विशेष
‘कोहलपुरको भविष्य निर्माण गर्ने योजना गुमाउन चाहदैनौं- (भिडियो सहित)

‘कोहलपुरको भविष्य निर्माण गर्ने योजना गुमाउन चाहदैनौं- (भिडियो सहित)

कोहलपुर : कोहलपुरको समग्र विकासका लागि सुरु गरिएको अतिक्रमित टहरा हटाउने अभियानमा सहयोग गर्न मेयर (नगर प्रमुख) पूर्णप्रसाद आचार्यले सबैलाई अपील गरेका छन् । नगरपालिकाले सोमबारबाट नगरपालिकाको केही स्थानमा अतिक्रमित संरचना हटाउन खोज्दा स्थानीय बासिन्दाबाट अबरोध भएको थियो ।

संरचना हटाउन खोज्दा अवरोध भएपछि नगरपालिका नैतिक रुपमा समस्यामा परेको छ । मेयर आचार्यले सञ्चारकर्मी सँग प्रतिक्रिया दिदै कोहलपुरको समग्र विकासका लागि योजना थालनी गरेको र उक्त योजनालाई अगाडी बढाउनमा अतिक्रमित टहरा बाधक बनेपछि हटाउन खोजिएको प्रष्ट्याएका छन् ।

‘योजना अगाडी बढाउने क्रममा अब्यवस्थित रुपमा बसेका नागरिकबाट जुन रुपले अवरोध भइरहेको छ, यसले कोहलपुर नगरको विकासमा बाधा पुर्याइरहेको छ,’ उनले भने ‘कोहलपुरको भविष्य निर्माण गर्ने ति योजना हामी गुमाउन चाहदैनौं ।’

पहिलो चरणमा नगर विकास क्षेत्रभित्र रहेका केही संरचना खाली गर्ने अभियानको सुरुवात गरेको आचार्यले प्रष्ट्याए । अदालतले पनि नगर विकास समितिकै पक्षमा फैसला गरेकाले काम अगाडी बढाइएको उनको भनाई छ ।

नगरपालिकाले अतिक्रमित संरचना हटाउन खोज्दा राजनीतिक संरक्षण गर्न नहुने आचार्यले बताए । ‘कोहलपुरमा विधिको शासन सुरु भएको छ, हामीले गरेका सकारात्मक काममा सहयोग गर्न म अनुरोध गर्दछु,’ नगर प्रमुख आचार्यले थपे ।

यो पनि पढ्नुस् :

अतिक्रमित संरचना हटाउन खोज्दा कोहलपुरमा तनाव

भिडियो हेर्नुस् :